მანანა ქუთათელაძე – უდიები საქართველოში

ქართული საზოგადოების დიდი ნაწილი უდიურ თემს, მის ისტორიასა თუ კულტურას საერთოდ არ იცნობდა, გარკვეულ ნაწილს კი მხოლოდ ბუნდოვანი წარმოდგენა ჰქონდა კავკასიის ალბანელთა ამ მცირერიცხოვან შთამომავლებზე.

ამ წიგნით მკითხველს შესანიშნავი შესაძლებლობა ეძლევა გაეცნოს არაერთ მნიშვნელოვან და საინტერესო ამბავს უდიური თემის შესახებ, დაათვალიეროს მდიდარი ფოტომასალა და საქართველოში უკვე საუკუნეზე მეტხანს მცხოვრები ეს მცირერიცხოვანი კავკასიელი ხალხი უკეთ გაიცნოს. ეს ცოდნა მხოლოდ აძლიერებს საზოგადოებასა და ქვეყანას, ხალხებს შორის ააშენებს ხიდებს და გაამაგრებს საქართველოს მოქალაქეთა მყარი ერთობის საფუძველს.

წიგნში თავმოყრილი უდიურ თემზე საისტორიო და ეთნოგრაფიული კვლევების მნიშვნელოვანი ფრაგმენტები, სხვადასხვა წყაროს მიმოხილვები, ბიოგრაფიები და ფოტომასალა.